Հաճախակի տրվող հարցեր

Օրթեզն արտաքին բժշկական սարքավորում է նախատեսված նյարդամկանային և կմախքային համակարգի կառուցվածքային փոփոխությունների շտկման համար: Այն նախատեսված է վնասված հոդի կամ վերջույթի կորեկցիայի, ֆիքսելու, ակտիվացման և նրա վրա գործադրվող ճնշման թեթևացման համար: Մասնավորապես՝ կորսետներ, հատուկ կոշիկներ, ներդիրներ, վերջույթների համար նախատեսված սարքավորումներ: Օրթեզները պատրաստվում են վերջույթից վերցված չափումների միջոցով արված եզրագծի հիման վրա, որպեսզի լինեն մաքսիմալ ֆունկցիոնալ և էֆֆեկտիվ: Այժմ պլաստիկից պատրաստված օրթեզների համար չափումներն արվում են մարմնի մասի գիպսե ֆորմայի միջոցով: Օրթեզները մեծամասամբ օգտագործվում են ՄՈՒԿ, ողնուղեղի վնասվածք, ցողունային բջիջների խանգարում, բնածին վերին և ստորին վերջույթների օրթոպեդիկ խնդիրներ, ողնաշարային խնդիրներ (սկոլիոզ, կիֆոզ, լորդոզ ) ախտորոշումներով բուժառուների կողմից: Մեր կենտրոնի մասնագետները, լինելով ոլորտում լավագույններից և ունենալով 20 և ավել տարիների աշխատանքային փորձ տվյալ ոլորտում, պատրաստում են օրթեզները անհատական չափումներով և բարձրորակ հումքով, ինչի շնորհիվ մեր հաճախորդները հնարավորինս արդյունավետ հասնում են ցանկալի արդյունքի: Այդ իսկ պատճառով «Օրթեզ» կենտրոնը 1997 թվականից ի վեր համարվում է տարածաշրջանում ոլորտի առաջատարներից մեկը:

Ի տարբերություն ավանդական սրունք թաթային օրթեզի (AFO) , որն ավելի կոշտ է, դինամիկ սրունք թաթային օրթեզն (DAFO) ավելի բարակ է, ճկուն և փակում է ոտնաթաթն ամբողջությամբ, ինչը նպաստում է ավելի հարմար կրման և ավելի լավ է ուղղում ոտնաթաթը։

Օրթեզները պատրաստվում են 10-14 օրվա ընթացքում, սակայն կարբոնից օրթեզների պատրաստումը կարող է տևել մինչև մեկ ամիս։ Ներդիրները պատրաստ են լինում 7-10 օրում։ Կորսետների պատրաստման ժամանակը շնորհիվ CADCAM նորարարական տեխնոլոգիայի՝ կրճատվել է 3 անգամ։ Այժմ կորսետները պատրաստ են լինում 3 շաբաթից մինչև մեկ ամսում։ Իսկ պրոթեզները պատրաստ են լինում սկսած 2 շաբաթից։

Այո, մեր կենտրոնում առկա են մի շարք սարքավորումներ որոնք կարող եք ձեռք բերել պետպատվերի շրջանակներում։

CADCAM տեխնոլոգիան օգտագործում է թվային դիզայնն ու արտադրությունը՝ բժշկական կորսետներ պատրաստելու համար, փոխարինելով ավանդական գիպսե չափագրման մեթոդներին։