Նորություններ
ՊՐՈԹԵԶԱՎՈՐՄԱՆ ԵՒ ՕՐԹԵԶԱՎՈՐՄԱՆ ԳՈՐԾԸՆԹԱՑԻՆ ԱՌՆՉՎՈՂ ՄԱՆՐԱՄԱՍՆԵՐ ՔՆՆԱՐԿԵԼՈՒ ՆՊԱՏԱԿՈՎ՝ ԱՇԽԱՏԱՆՔԻ ԵՒ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ ՆԱՐԵԿ ՄԿՐՏՉՅԱՆՆ ԱՅՑԵԼԵԼ Է «ՕՐԹԵԶ» ԿԵՆՏՐՈՆ Պրոթեզավորման և օրթեզավորման գործընթացին առնչվող մանրամասներ քննարկելու նպատակով՝ Աշխատանքի և սոցիալական հարցերի նախարար Նարեկ Մկրտչյանն այցելել է «Օրթեզ» կենտրոն Պրոթեզավորման և օրթեզավորման գործընթացին առնչվող մի շարք մանրամասներ քննարկելու նպատակով՝ Աշխատանքի և սոցիալական հարցերի նախարար Նարեկ Մկրտչյանն ու տեղակալ Տաթևիկ Ստեփանյանը, ԱԺ պատգամավոր Արսեն Թորոսյանի և «Արաբկիր» բժշկական համալիրի տնօրեն Արա Բաբլոյանի հետ այցելել են «Օրթեզ» կենտրոն։ Տնօրեն Արա Թեքյոզյանի ուղեկցությամբ՝ ներկաները շրջել են հաստատությունում, ծանոթացել ընթացիկ աշխատանքներին։ Այցի շրջանակում քննարկվել է ԱՍՀՆ հետ համագործակցության շրջանակում իրականացվող ծրագրերին, ինչպես նաև աջակցող միջոցների որակական չափորոշիչներին ու արտադրական տեխնոլոգիաներին առնչվող մի շարք հարցեր։Ընդգծվել է պրոթեզավորման և օրթեզավորման գործընթացում վերապատրաստման դասընթացների կազմակերպման ու նոր մասնագետների ներգրավման անհրաժեշտությունը։ Շեշտվել է նաև 2020 թ․ պատերազմի ընթացքում վիրավորում ստացած և հաշմանդամություն ունեցող անձանց կարիքին համապատասխան պրոթեզների տրամադրման կարևորությունը։ Վերջիններս պատրաստակամություն են հայտնել համատեղել ջանքերը նաև աջակցող միջոցների որակական ցուցանիշների շարունակական բարելավման ու տրամադրվող ծառայությունների որակի բարձրացման ուղղությամբ։
ՀՀ աշխատանքի և սոցիալական հարցերի նախարարություն։
https://www.mlsa.am/?p=31949&fbclid=IwAR2dZijD4wWmQxKQFvFowsOwRY0v-JxymzW8BojqgHGDhGsUD5MDKrYblAU